Monday, December 30, 2013
செய்யாறு, டிச.24–
செய்யாறு தாலுகா குண்ணத்தூர் கிராமத்தில் உள்ள அம்பேத்கர் சிலையை நேற்று இரவு மர்ம நபர்கள் சேதபடுத்தி உள்ளனர். இதனை கண்ட அப்பகுதி பொதுமக்கள் ஆவேசம் அடைந்தனர்.
குண்ணத்தூரில் உள்ள செய்யாறு – காஞ்சீபுரம் மெயின் ரோட்டில் ஏராளமானோர் திரண்டதால் போலீசார் குவிக்கப்பட்டனர். இதனால் அங்கு பதட்டம் ஏற்பட்டது.
மேலும் பொதுமக்கள் திடீர் சாலை மறியலில் ஈடுபட்டனர். சிலை சேதபடுத்தியதை கண்டித்தும், மர்ம நபர்களை கைது செய்ய வலியுறுத்தியும் கோஷம் எழுப்பினர். இதனால் போக்குவரத்து பாதிக்கப்பட்டது.
செய்யாறு தாசில்தார் ஜெயசேகர், டி.எஸ்.பி. ரவிச்சந்திரன், இன்ஸ்பெக்டர் செல்வழகன் ஆகியோர் சம்பவ இடத்துக்கு சென்று பேச்சுவார்த்தை நடத்தினர். ஆனால் பொதுமக்கள் தொடர்ந்து சாலை மறியலில் ஈடுபட்டனர்.
இந்த சம்பவம் அந்த பகுதியில் பரபரப்பை ஏற்படுத்தியது.
செய்தி :: மாலைமலர்
