Archive for 2014-01-12
கெளரவ கொலைகளுக்கு எதிராக சட்டம் இயற்றக் கோரி பிரச்சார இயக்கம்
கௌரவ கொலைகளில் பலியாகக் கூடிய பெண்கள் அனைவரும் சாதி இந்து பெண்கள் தான். தலித் இளைஞர்களை காதலித்ததற்காகவும் திருமணம் செய்து கொண்டதற்காகவும் இப்பெண்கள் குடும்ப உறுப்பினர்களாலும் உறவினர்களாலும் சாதி குழுக்களாலும் கொலை செய்யப்படுகின்றனர். இது சாதிய ரீதியான படுகொலையாக இருந்தாலும் சட்ட ரீதியாக சாதிப் பாகுபாட்டால் நடத்தப்பட்ட படுகொலை என்று பதிவு செய்வதற்கு சட்ட வரைமுறையில் இடமில்லை. கொலை செய்யப்பட்டது தலித் அல்லாத பெண், கொலை செய்ததும் அல்லாதோர்கள் என்று எளிதாக அரசு விளக்கம் கொடுத்துவிடும். தன்னுடைய மகளை விரும்புகிற அல்லது திருமணம் செய்து கொள்கிற தலித் ஆணை சாதி இந்துக்கள் கொலை செய்தால் அவற்றை சாதி ரீதியான படுகொலையாக வழக்கினை பதிவு செய்ய முடியும். ஆகவே சட்ட ரீதியாக, கௌரவ கொலை செய்யப்படுகிற பெண்களின் வழக்கினை சாதிய படுகொலையாக பதிவு செய்வதில் சிக்கல்கள் உள்ளன. இதுமட்டுமல்லாமல் சர்வதேசிய அளவில் கௌரவ கொலைகள் என்கிற வன்முறை பெரிய அளவில் விவாத களமாக மாறியிருக்கிறது. கௌவர கொலைகளுக்கு எதிராக சர்வதேசிய சட்ட தலையீடுகள் மேற்கொலள்ள உலக அளவில் முன்னெடுப்புகள் நடந்து வருகின்றன. ஆகவே சர்வதேசிய சமூகத்திற்கு தமிழக சூழலிலிருந்து அழுத்தம் கொடுக்க வேண்டுமென்றால் இவற்றை கௌரவ கொலைகளாகவே நாம் சுட்டிக் காட்ட வேண்டும். ஆகவே இவற்றை சாதிய ரீதியான கௌரவ கொலைகள் என்று கூறுவது பொருத்தமாக இருக்கும். இதுமட்டுமல்லாமல் தற்போது கௌரவ கொலைகள் என்பதை விட போலி கௌரவ கொலைகள் என்கிற வார்த்தையை பயன்படுத்தலாம் என்று உலக அளவில் உள்ள சமூக ஆர்வலர்கள் கருத்து தெரிவித்து வருகின்றனர். இதனடிப்படையில் சாதிய ரீதியான போலி கௌரவ கொலைகள் என்றும் அழைக்கலாம். தற்போது கௌரவ கொலைகள் என்கிற வார்த்தையை சர்வதேசிய அளவில் பயன்படுத்தப்பட்டு வருவதனால் சர்வதேசிய நீதி விசாரணைக்கு இவ்வார்த்தையை பயன்படுத்துகிற சூழல் ஏற்பட்டு விடுகிறது. மற்றபடி இந்த வார்த்தையின் மீது யாருக்கும் உடன்பாடு அல்ல என்பதுதான் உண்மை.
- எவிடன்ஸ் கதிர்
Dalit HM in Soup for Slipper Attack
According to the sources, the incident took place on January 6 after some parents complained headmistress G Selvarani during the students counselling meeting that T Kalaiyarasan, teacher of Class III, had not evaluated the answer scripts properly.
Selvarani conducted an enquiry into the complaint which sparked a verbal altercation and during the course of the argument Selvarani hit Kalaiyarasan with her slippers.
Kalaiyarasan told Express, “For a small problem, she behaved in an arrogant manner and slapped me with slippers.”
Despite repeated phone calls by this correspondent, Selvarani refused to speak on the issue.
As many as 15 teachers of various government schools in the Harur taluk petitioned the district elementary educational officer (DEEO) seeking action against Selvarani.
Swaminathan, DEEO told Express, “The head-mistress has been suspended.”
Source :: The New Indian Express
தலித் பெண்ணை கட்டப்பஞ்சாயத்தில் செருப்பால் அடித்து கொடுமை
பாதிக்கப்பட்ட தலித் பெண்ணிற்கு ரூ.1 இலட்சம் அபராதம் விதித்தது கட்டப்பஞ்சாயத்துபுதுக்கோட்டை மாவட்டம், ஆவுடையார் கோவில் தாலுகா, திருப்புனவாசல் காவல்நிலைய எல்லைக்குட்பட்ட கிராமம் பொன்சிறுவரை. இக்கிராமத்தில் வசித்து வரும் தாழ்த்தப்பட்ட தலித் சமூகத்தைச் சேர்ந்த திருமிகு.சாந்தி (30) க.பெ.காசிநாதன் என்பவரை கடந்த 28.12.2013 அன்று 3 பேர் கொண்ட சாதி இந்து வன்கொடுமை கும்பல் செருப்பாலும், விளக்கமாறாலும் அடித்து அவமானப்படுத்தியுள்ளனர். இதுகுறித்து கிராம முக்கியஸ்தர்களிடம் பாதிக்கப்பட்ட சாந்தி புகார் கொடுத்துள்ளார். சாந்தி வேலைக்கு சென்ற நேரத்தில் கடந்த 30.12.2013 அன்று சாதி பஞ்சாயத்தை கூட்டியுள்ளனர். பாதிக்கப்பட்ட சாந்தி பஞ்சாயத்தில் கலந்து கொள்ளவில்லை என்கிற காரணத்தினால் சாதி பஞ்சாயத்து சாந்திக்கு ரூ.25,000 அபராதம் விதித்திருக்கிறது. அதுமட்டுமல்லாமல் மறுபடியும் 01.01.2014 அன்று சாதி பஞ்சாயத்தை கூட்டி பஞ்சாயத்தில் விதித்த அபராதத் தொகையை கட்டவில்லை என்று கூறி பஞ்சாயத்து ரூ.1 இலட்சம் அபராதம் விதித்துள்ளது. சாந்தியையும் அவரது வயதான தாயார் உலகம்மாளையும் சாதி பஞ்சாயத்தில் செருப்பாலும் உருட்டுகட்டையாலும் அடித்து அவமானப்படுத்தியும் உள்ளனர்.
இதுகுறித்து எமது எவிடன்ஸ் அமைப்பின் உண்மையறியும் குழுவினர் கடந்த 11.01.2014 அன்று சம்பவ இடத்திற்கு நேரடியாகச் சென்று களஆய்வு மேற்கொண்டனர். களஆய்வில் கிடைத்த தகவல்களின் அடிப்பûயில் இப்பத்திரிக்கைச் செய்தி வெளியிடப்படுகிறது.
தலித் சமூகத்தைச் சேர்ந்த சாந்தி, இராமநாதபுரம் மாவட்டம் வெள்ளையாபுரம் அருகில் உள்ள நாவலூர் என்கிற கிராமத்தைச் சேர்ந்தவர். புதுக்கோட்டை மாவட்டம், பொன்சிறுவரை கிராமத்தைச் சேர்ந்த காசிநாதன் என்பவரை திருமணம் செய்து கொண்டு, பொன்சிறுவரை கிராமத்தில் தன்னுடைய 11 வயது மகன் அருண், 7 வயது மகள் அக்க்ஷயாவுடன் வசித்து வருகிறார். சாந்தியின் கணவர் காசிநாதன் கத்தாரில் வேலை பார்த்து வருகிறார்.
இந்நிலையில் கடந்த 7 மாதத்திற்கு முன்பு சாந்தி தம்முடைய 30 சென்ட் நிலத்தை விற்பதற்காக முயற்சி செய்திருக்கிறார். இதற்கு சாதி இந்துவான திரு.கணேசன் என்பவர் உதவி செய்கிறேன் என்று கூறி 1 சென்ட் ரூ.800 வீதம் 30 சென்ட் ரூ.24,000த்திற்கு முருகையா என்கிற சாதி இந்துவிடம் விற்றுள்ளார். சில தினங்களில் முருகையா, அதே பகுதியில் உள்ள தம்முடைய நிலத்தை 1 சென்ட் ரூ.1200க்கு விற்றுள்ளார். இதையறிந்த சாந்தி நேரடியாக கணேசனிடம் சென்று இப்படி என் நிலத்தை குறைந்த விலைக்கு விற்றுக் கொடுத்துள்ளீர்களே இது நியாயமா? உங்களுக்கு கமிசன் கேட்டால் நான் கொடுத்திருப்பேனே என்று கூறியுள்ளார். இதற்கு கணேசனும், அவரது மனைவி காளியம்மாளும் சாந்தியை சாதி ரீதியாக இழிவாகப்பேசி அவமானப்படுத்தியுள்ளனர்.
இந்நிலையில் கடந்த 28.12.2013 அன்று காலை 7.00 மணியளவில் தெருவில் சென்று கொண்டிருந்த சாந்தியை வழிமறித்த கணேசனின் மனைவி காளியம்மாள், சாதி ரீதியாக இழிவாகப்பேசி உனக்கு எவ்வளவு திமிரு இருந்தால் எங்களைப் பார்த்து கமிசன் வாங்கியிருக்கிறோம் என்று பேசுவாய், உன் சாதி என்ன, என் சாதி என்ன போயும் போயும் உன் சாதி நாய்களிடமா நாங்கள் கமிசன் வாங்குவோம் என்று இழிவுபடுத்தியது மட்டுமல்லாமல் விளக்கமாறால் அடித்துள்ளார். உடனே அங்கிருந்த காளியம்மாளின் மகள்கள் சங்கீதாவும், தேவியும் செருப்பு மற்றும் விறகு கட்டையை எடுத்துக் கொண்டு சாந்தியை கடுமையாக அடித்துள்ளனர். அவரது முடியைப் பிடித்து இழுத்து தெருவில் தள்ளியுள்ளனர்.
பாதிக்கப்பட்ட சாந்தி, சாதி இந்து பகுதியைச் சேர்ந்த சாதி பஞ்சாயத்து முக்கியஸ்தர்கள் திரு.பஞ்சு, திரு.அப்பாதுரை ஆகியோரிடம் சென்று புகார் கொடுத்துள்ளார். இன்றே இதுகுறித்து விசாரணை செய்யுங்கள் என்று சாந்தி கேட்டுள்ளார். இன்று விசாரிக்க முடியாது நாளை 29.12.2013 அன்று விசாரிக்கிறோம் என்று கூறியுள்ளனர். மறுநாள் 29.12.2013 அன்று சாதி பஞ்சாயத்து கூட்டப்படவில்லை. இந்நிலையில் 30.12.2013 அன்று பாதிக்கப்பட்ட சாந்தி 100 நாள் வேலைவாய்ப்பு திட்டத்தின் அடிப்படையில் வேலைக்கு சென்றுள்ளார்.
அன்றைய தினம் 30.12.2013 அன்று மாலை 4.00 மணியளவில் சாதி பஞ்சாயத்தை கூட்டியுள்ளனர். சாந்திக்கு அழைப்பு விடுத்துள்ளனர். சாந்தி வேலை முடித்து வருகிறேன் என்று கூறியுள்ளார். சாந்தி வராததால் ஆத்திரமடைந்த சாதி பஞ்சாயத்து, நம்மை மதிக்காத சாந்திக்கு அபராதம் ரூ.25,000 போடுகிறோம் என்று கூறியுள்ளனர். அவரிடம் யாரும் பேசக்கூடாது, உறவு வைத்துக் கொள்ளக்கூடாது. அப்படி மீறி யாராவது பேசினால் அவர்களுக்கும் அபராதம் போடப்படும், ஊரை விட்டு தள்ளிவைப்பார்கள் என்று பஞ்சாயத்தில் கூறப்பட்டுள்ளது.
பயந்துபோன சாந்தி தம்முடைய சொந்த ஊரான இராமநாதபுரம் மாவட்டம், நாவலூர் பகுதிக்கு வந்து தம்முடைய தாயார் உலகம்மாள், கொழுந்தனார் காசிலிங்கம் ஆகியோரை அழைத்துக் கொண்டு பொன்சிறுவரை கிராமத்திற்கு 03.01.2014 அன்று வந்துள்ளார். அன்று சாதி பஞ்சாயத்தில் சாந்தியும் அவரது தாயார் உலகம்மாளையும் திரு.கணேசன் குடும்பத்தினர் எல்லோர் முன்னிலையிலும் செருப்பாலும் விறகு கட்டையாலும் அடித்து அவமானப்படுத்தியுள்ளனர். இந்த கிராமத்தில் நாங்கள் பெரும்பான்மையினர், உங்கள் சாதி என்ன எங்கள் சாதி என்ன, எவ்வளவு திமிரு இருந்தால் எங்களை மதிக்காமல் நடந்து கொள்ளலாம். உங்களுக்கு 1 இலட்சம் அபராதம் போடுகிறோம் என்று கூறியுள்ளனர். சாந்தியிடம் பேசிய முத்துலெட்சுமி, மாரிமுத்து ஆகியோருக்கு ரூ.5000 அபராதம் போட்டுள்ளது பஞ்சாயத்து.
இதுகுறித்து பாதிக்கப்பட்ட சாந்தி, திருப்புனவாசல் காவல்நிலையத்தில் சென்று புகார் கொடுத்துள்ளார். காவல்நிலையத்தில் புகார் பெற்றுக் கொண்டதற்கான ரசீது கொடுக்கப்பட்டுள்ளது. இதுவரை முதல் தகவல் அறிக்கை பதிவு செய்யப்படவில்லை. இதுகுறித்து திருப்புனவாசல் காவல்நிலைய சார்பு ஆய்வாளர் திரு.அந்தோணி குருஸ் அவர்களை எமது குழுவினர் தொடர்பு கொண்டு கேட்டபோது, “இது வன்கொடுமை தடுப்புச் சட்டத்தின் கீழ் வருவதனால் விசாரணை அதிகாரி டி.எஸ்.பி. அதனால் டி.எஸ்.பி. கவனத்திற்கு இதை கொண்டு சென்றிருக்கிறோம்” என்று கூறினார்.
கோட்டைபட்டிணம் டி.எஸ்.பி. திரு.மகாதேவனிடம் எமது குழுவினர் தொடர்பு கொண்டு இச்சம்பவம் குறித்து கேட்டனர். “இரண்டு சாட்சிகள் இருக்கிறார்கள் என்று பாதிக்கப்பட்ட பெண் சாந்தி கூறினார். ஆனால் அந்த இரண்டு சாட்சிகளையும் சாந்தி அழைத்து வரவில்லை. விசாரணை செய்து வருகிறோம். விரைவில் முதல் தகவல் அறிக்கை பதிவு செய்வோம். பாதிக்கப்பட்ட பெண்ணிடம் தைரியமாக கிராமத்தில் இருங்கள். உங்களுக்கு ஏதேனும் பிரச்சனை ஏற்பட்டால் சம்பந்தப்பட்ட நபர்கள் மீது வழக்கு பதிவு செய்கிறேன் என்று கூறினேன். ஆயினும் சாந்தி பயந்து கொண்டு கிராமத்தைவிட்டு வெளியேறியுள்ளார்” என்று கூறினார்.
வன்கொடுமையால் பாதிக்கப்பட்ட யார் புகார் கொடுத்தாலும் முதல் தகவல் அறிக்கை பதிவு செய்யப்பட வேண்டும். இதற்கு டி.எஸ்.பி.தான் பதிவு செய்ய வேண்டுமென்று அவசியம் இல்லை. அதுமட்டுமல்ல டி.எஸ்.பி. தானாகச் சென்று நேரடியாக விசாரணை செய்ய வேண்டுமே தவிர பாதிக்கப்பட்ட பெண்ணிடமே சாட்சிகளை அழைத்து வாருங்கள் என்று கூறுவது ஏற்புடையதல்ல. பொன்சிறுவரை கிராமத்தில் தலித்துகள் வெறும் 5 குடும்பத்தினர் மட்டுமே வசித்து வருகின்றனர். இப்பகுதியில் பல்வேறு சாதிய அடக்குமுறைகள் இருப்பதாக அப்பகுதியைச் சேர்ந்த தலித்துகள் எமது குழுவினரிடம் கூறியிருக்கின்றனர். ஆகவே அப்பகுதியில் தலித்துகள் உயிருக்கு அச்சத்தோடு வாழ்ந்து வருவது தெரிய வருகிறது.
பரிந்துரைகள்
§ சாந்தியை கடுமையாக அடித்து சித்திரவதை செய்த சம்பந்தப்பட்ட வன்கொடுமை கும்பல் மீது தாழ்த்தப்பட்டோர் பழங்குடியினர் வன்கொடுமை தடுப்புச் சட்டம் 1989 பிரிவுகள் 3(1)(10), 3(1)(11) ஆகியவற்றின் கீழ் வழக்கு பதிவு செய்யப்பட வேண்டும்.
§ சாந்திக்கு அபராதம் விதித்து சாதி பஞ்சாயத்து நடத்தி அந்த பஞ்சாயத்தில் சாந்தி மீது தாக்குதக்கு காரணமாக இருந்த சாதி பஞ்சாயத்து கும்பல் மீதும் கடும் நடவடிக்கை எடுக்கப்பட வேண்டும்.
§ பாதிக்கப்பட்ட சாந்திக்கு ரூ.5 இலட்சம் நிவாரணம் வழங்க வேண்டும்.
§ சாந்திக்கும் அவரது குடும்பத்தினருக்கும், அங்குள்ள தலித்துகளுக்கும் உரிய பாதுகாப்பினை வழங்க வேண்டும்.
§ மாவட்ட ஆட்சியரும், காவல் கண்காணிப்பாளரும் அக்கிராமத்திற்கு நேரடியாகச் சென்று உண்மைகளை கண்டறிந்து அப்பகுதியில் நடக்கக்கூடிய தீண்டாமை பாகுபாடுகளை ஒழிக்க நடவடிக்கை எடுக்க வேண்டும்.
(A.கதிர்)
செயல் இயக்குனர்
எவிடன்ஸ்
ராகுல் தங்கிய தலித் வீடு இப்போது எப்படி இருக்கிறது: போட்டுடைக்கிறது ஆம் ஆத்மி
கடந்த 2008ம் ஆண்டு இப்போதைய காங்கிரஸ் துணைத்தலைவர் ராகுல், தனது சொந்த தொகுதியான அமேதியில் சுற்றுப்பயணம் மேற்கொண்டார். அப்போது தலித் ஒருவரின் வீட்டில் தங்கிய அவர், அங்கு உணவருந்தினார். ராகுலின் இந்த செயல் காங்கிரஸ் கட்சியால் பெரிதும் பேசப்பட்டது. அதே சமயம் எதிர்க்கட்சிகள் இதை ஒரு அரசியல் ஸ்டன்ட் என விமர்சித்தன.
இந்நிலையில், காங்கிரஸ் கட்சி கடும் சவாலாக உருவெடுத்துள்ள ஆம் ஆத்மி கட்சி சார்பில், எதிர்வரும் லோக்சபா தேர்தலில் அமேதி தொகுதியில் குமார் விஸ்வாஸ் என்பவர் போட்டியிடவுள்ளார். அதற்கான முன்னேற்பாடுகளை இப்போதே துவங்கியுள்ள விஸ்வாஸ், தொகுதி முழுவதும் சுற்றுப்பயணம் மேற்கொண்டு வருகிறார். குமார் விஸ்வாசுக்கு எதிர்ப்பு தெரிவித்து தொகுதியில் கருப்பு கொடி ஆர்ப்பாட்டமும் நடந்துள்ளது.
இதனிடையே குமார் விஸ்வாஸ் நிருபர்களிடம் பேசினார். அப்போது அவர் கூறுகையில், "கடந்த 2008ம் ஆண்டு ராகுல் தலித் ஒருவரின் வீட்டிற்குச் சென்று, தங்கி உணவருந்திய கதைகளை கேட்டேன். அந்த வீடு தற்போது எப்படி இருக்கிறது என அறிய எனக்கு ஆவல் ஏற்பட்டது. ஆனால் அங்கு சென்ற எனக்கு பெரும் அதிர்ச்சி காத்திருந்தது. அந்த வீடு எவ்வித மாற்றமும் இன்றி முன்பு போலவே காணப்பட்டது. அந்த வீட்டில் வசித்து வரும் சுனிதா என்ற பெண் என்னிடம் கூறுகையில், உ.பி.,யில் ஆளும் சமாஜ்வாடி கட்சியினர் தனது வீட்டை தீவைத்து கொளுத்தி விட்டதாகவும், தனக்கு உதவும்படி ராகுலிடம் பலமுறை கேட்டுக்கொண்டும் அவர் தனக்கு எந்த உதவியும் செய்ய முன்வரவில்லை என்றும் கூறினார். மக்களுக்கு உதவி செய்ய ராகுல் விரும்பவில்லை என்பதையே, சுனிதாவின் இந்த குமுறல் தெரிவிக்கிறது. அவர் அரசியல் ஸ்டன்டுக்காக மட்டுமே இங்கு தங்கியிருக்கிறார். இது மிகவும் வெட்ககரமானது". இவ்வாறு விஸ்வாஸ் தெரிவித்தார்.
செய்தி : தினமலர்
தலித் வீட்டில் சாப்பிடபோவது இல்லை ராகுல் காந்தி மீது குமார் விஸ்வாஸ் மறைமுக தாக்கு; சோனியா காந்தி மகாராணி
காங்கிரஸ் துணைத் தலைவர் ராகுல் காந்தியின் பாராளுமன்ற தொகுதியில் ஆம் ஆத்மி கட்சியின் சார்பில் பேரணி நடந்து வருகிறது.
பேரணியில் பேசிய ஆம் ஆத்மியின் தலைவர் குமார் விஸ்வாஸ் காங்கிரஸ் கட்சி அமேதி தொகுதிக்கு ஒன்றும் செய்யவில்லை என்று குற்றம் சாட்டியுள்ளார். மேலும், நான் தலித் வீட்டிற்கு சென்று உணவு சாப்பிடபோவது இல்லை. மீடியாக்களை அழைத்து பெரிதுபடுத்த போவது இல்லை என்று காங்கிரஸ் தலைவர் ராகுல் காந்தியை, குமார் விஸ்வாஸ் மறைமுகமாக தாக்கி பேசியுள்ளார்.
மக்கள் என்னை ஜோக்கர் என்று அழைக்கின்றனர். மேலும், ராகுல் காந்திக்கு எதிராக போட்டியிடுவீர்களா என்று கேள்வி எழுப்புகின்றனர். இந்த ஜோக்கர் ஒரு நல்ல மனிதன். ஜோக்கர் நாட்டை விற்கவில்லை என்று அவர் கூறியுள்ளார்.
விஸ்வாஸ் காங்கிரஸ் தலைவர் சோனியா காந்தியை மகாராணி என்று அழைத்துள்ளார். மேலும் சோனியா காந்தியின் அமெரிக்க பயணத்தை விமர்சித்துள்ளார். சோனியா ஜிக்கு நம் நாட்டில் உள்ள மருத்துவர்கள் மீது நம்பிக்கை இல்லை, பிறகு எப்படி நான் உங்களது மகன் இந்த நாட்டை சரியாக ஆட்சி செய்வார் என்று நான் நம்ப முடியும் என்று கேள்வி எழுப்பியுள்ளார்.
செய்தி :: தினத்தந்தி