Tuesday, December 24, 2013
மயிலைபாலு , அலைகள் வெளியீட்டகம்- 4/9, 4ஆவது முதன்மைச் சாலை, யுனைடெட் இந்தியா காலனி, கோடம்பாக்கம், சென்னை-600024 பக்: 448 விலை ரூ. 230
டிசம்பர் 25 1968 அன்று நடந்த "கீழ்வெண்மணி படுகொலை" தொடர்பான நூல். இது வழக்கமான ஒரு நாவல் வடிவமல்ல. அந்த வழக்கு தொடர்பான ஆவணங்கள் மற்றும் தீர்ப்புகள் மட்டுமே அடங்கிய ஒரு நூல். இது போன்ற கொடுமைகள் ஆங்காங்கே இன்னமும் நடந்து கொண்டுதான் உள்ளன. இது போன்ற விசயங்களை நம்மில் பலர் அறிந்திருக்க கூட வாய்ப்பில்லை. மீண்டும் இது போன்ற சமூகக் கொடுமைகள் நடைபெறாமல் தடுக்க கண்டிப்பாக இது போன்ற விசயங்களை அறிந்திருப்பது அவசியம். இதை பதிவு செய்த "அலைகள்" பதிப்பகத்தை பாராட்டியே தீர வேண்டும்.கடைசியாக, ஜாதிக் கொடுமை இல்லை என்று பாதிக்கப் பட்ட சமூகத்தின் வாயிலிருந்து எப்போது சொல்லக் கேட்கிறோமோ அப்போதுதான் ஜாதிக் கொடுமைகள் இல்லை என்பதை முழுமையாக நம்பலாம். அதை விடுத்து மீடியாக்களில் குளிரூட்டப்பட்ட அறையில் கோட் சூட் போட்டுக்கொண்டு "ஜாதிக் கொடுமைகள் இப்போதெல்லாம் கிடையாது" என்று கூறுவதைக் கேட்கும் போதெல்லாம் என்னுள் எழும் கேள்வி: "நான் செல்லும் பொது வழியில் தினமும் பயணம் செய்யும் ஜாதி வெறியை என்ன பெயர் கொண்டு அழைப்பது???"
