[ மனிதக் கழிவை மனிதர் அகற்றும் கொடுமையைத் தடுக்க வலியுறுத்தி சென்னையில் திங்களன்று தமிழ்நாடு தீண்டாமை ஒழிப்பு முன்னணி சார்பில் நடைபெற்ற மாபெரும் மறியல் போராட்டத்தில் பெரும் எண்ணிக்கையில் திரண்ட கூட்டத்தினரிடையே, அமைப்பின் மாநிலத் தலைவர் பி.சம்பத் பேசினார். உடன் அ.சவுந்தரராசன் எம்எல்ஏ, டி.கே.ரங்கராஜன் எம்பி., கே.சாமுவேல்ராஜ், இரா.அதியமான், கு.ஜக்கையன் உள்ளிட்ட தலைவர்கள் ]

சென்னை, டிச. 9-

மனிதக் கழிவை அகற்றும் இழிதொழிலில் மனிதர்களை ஈடு படுத்தக்கூடாது என்று வலியுறுத்தி சென்னையில் மறியல் போராட்டம் நடத்தியவர்ளை காவல்துறையினர் கைது செய்தனர்.

தமிழ்நாடு தீண்டாமை ஒழிப்பு முன்னணியின் மாநிலக் குழு சார்பில் சென்னையில் திங்களன்று (டிச.9) மறியல் போராட்டம் நடைபெற்றது.மலக்குழிக்குள் மனிதனை இறக்க கூடாது, பாதாள சாக்கடை, மலக் குழியில் நிகழும் மரணங்களுக்கு நிவாரணம் வழங்க வேண்டும், ரயில்வே துறையில் மனிதக் கழிவை மனிதனே அகற்ற வைக்கும் கொடுமையை நிறுத்த வேண்டும், மனிதக் கழிவை மனிதர் அகற்றும் பணி (தடை) மற்றும் மறுவாழ்வு - 2013 சட்டத்திற்கான விதிகளை உடனடியாக உருவாக்க வேண்டும், தமிழக அரசின் உள்ளாட்சி அமைப்புகளில் துப்புரவுப் பணியாளர் எனபணி நியமனம் பெறுகிற தொழி லாளர்களுக்கு பணி வழங்குவதில் சாதிய பாரபட்சத்தை நீக்க வேண்டும் என்பன உள்ளிட்ட கோரிக் கைகளை வலியுறுத்தி இந்தப் போராட்டம் நடைபெற்றது.

தலித் தொழிலாளர்களுக்கு துப்புரவுப் பணி, தலித் அல்லாத தொழிலாளர்களுக்கு ஓட்டுநர், உதவியாளர் போன்ற பணிகள் வழங்குவதை உடனடியாகத் தடுத்து நிறுத்தப்பட வேண்டும் என்பன உள்ளிட்ட கோரிக்கைககளும் வலி யுறுத்தப்பட்டன.மறியல் போராட்டத்தை துவக்கிவைத்துப் பேசிய மார்க்சிஸ்ட் கம்யூனிஸ்ட் கட்சியின் மத்திய குழு உறுப்பினர் டி.கே.ரங்கராஜன் எம்.பி. பேசுகையில்,

“21 ஆம் நூற்றாண்டில் வாழ்ந்து கொண்டிருக்கும் சூழ்நிலையில் மலம் அள்ளும் தொழி லாளர்கள் இன்னும் மலம் அள்ளும் தொழிலை மட்டுமே செய்துவருகின்றனர், பாதாளச் சாக் கடையில் இறங்கி பணி செய்யும் போதுஅதில் வெளியேறும் கொடிய விஷ வாயுவினால் பல தொழிலாளர்கள் இறந்துவிடுகின்றனர். தமிழகத் தில் ஆங்காங்கே இது ஒரு தொடர் கதையாகி வரு கின்றது” என்று குற்றம் சாட்டினர்.

அவர் மேலும் பேசுகையில், பாதாளச் சாக்கடையில் மனிதர் களை இறக்கக்கூடாது என நீதிமன் றங்கள் தடை விதித்த பின்னரும் அரசுத் துறைகளிலேயே பாதாளச் சாக்கடையில் மனிதர்களை இறக்கும் கொடுமை தொடர்கிறது. அவ்வாறு பாதிக்கப்படும் தொழிலாளர்களில் ஒரு பகுதியினருக்கு மட்டுமே நிவா ரணங்கள் கிடைக்கின்ற.

மீதியுள்ள மக்கள் எந்த நிவாரணமும் இன்றிநடுத்தெருவில் வாழ்ந்து வருகின்றனர். 60 ஆண்டுகள் போராட்டத் திற்கு பிறகு மத்திய அரசால் கையால் மலம் அள்ளுவோரை வேலைக்கு அமர்த்துதல் மற்றும் உலர் கழிப்பறைகள் கட்டுதல் தடுப்புச் சட்டம் 1993 மற்றும் மனிதக் கழிவை மனிதர் அகற்றும் பணி (தடை) மற்றும் மறுவாழ்வு (2013) ஆகிய சட்டங்கள் கொண்டுவரப்பட்டன, அதை கண்டிப்புடன் செயல்படுத்த மத்திய அரசு நடவடிக்கை எடுக்க வேண்டும் என்றும் அவர் வலியுறுத்தினார்.

சிஐடியு மாநிலத் தலைவர் அ.சவுந்தரராசன் எம்எல்ஏ, முன்னணி யின் மாநிலத் தலைவர் பி.சம்பத் தலைமையில் நடைபெற்ற மறியல் போராட் டத்தில் க.பீம்ராவ் எம்எல்ஏ, பொதுச் செயலாளர் கே.சாமுவேல்ராஜ், மாநில பொருளாளர் ஆர்.ஜெயராமன், மாநிலத் துணை தலைவர் எஸ்.கே.மகேந்திரன், கணேஷ், ஜானகிராமன், ஆர்.கிருஷ்ணமூர்த்தி, தமிழ்நாடு விவசாயிகள் சங்கத்தின் பொதுச் செயலாளர் பி.சண்முகம், ஊரக வளர்ச்சி உள்ளாட்சி துறை ஊழியர் சங்கத்தின் பொதுச் செயலாளர் கே.ஆர்.கணே சன், இந்திய ஜனநாயக வாலிபர் சங்கத்தின் மாநிலச் செயலாளர் ஆர். வேல்முருகன், அனைத்திந்திய ஜன நாயக மாதர் சங்கத்தின் மாநிலச் செயலாளர் கே.வனஜாகுமாரி, ஆதித்தமிழர் பேரவை தலைவர் இரா.அதியமான், அருந் தமிழர் விடுதலை இயக்கத் தலைவர் கு.ஜக் கையன், ஆதித்தமிழர் மக்கள் கட்சிதலைவர் எஸ்.டி.கல்யாணசுந்தரம், தமிழ்நாடு அருந்ததியர் சங்க தலைவர் அரு.சி. நாகலிங்கம், தமிழ்ப்புலிகள் நாகை.திருவள்ளுவன், ஆதித்தமிழர் சன நாயகப் பேரவைத் தலைவர் அ.சு.பவுத்தமன், ஜெகஜீவன் ராம் மக்கள் இயக்கத்தின் தலைவர் சென்னியப்பன், அருந்ததியர் மனித உரிமை அமைப்பின் தலைவர் எம்.சக்திவேல், தலித் விடுதலை கட்சியின் தலைவர் ஓ.ரங்கசாமி, மார்க் சிஸ்ட் கம்யூனிஸ்ட் கட்சியின் வடசென்னை, தென்சென்னை காஞ்சிபுரம் மாவட்டச் செயலாளர்கள் கே.கிருஷ்ணன், ஏ.பாக்கியம், ஜி.மோகனன் உள்ளிட்ட தலைவர் கள் பங்கேற்றனர். மறியல் போராட் டத்தில் பங்கேற்ற அனைவரையும் காவல்துறையினர் கைது செய்தனர்.

நன்றி - தீக்கதிர்