Wednesday, December 11, 2013
மத்தூர், டிச 8–
ஊத்தங்கரை அருகே அம்பேத்கர் சிலை உடைக்கப்பட்டிருந்தது. இதனை கண்டித்து விடுதலை சிறுத்தைகள் கட்சியினர் ஆர்ப்பாட்டம் நடத்தினர்.
ஊத்தங்கரை அருகே சிங்காரப்பேட்டை பகுதியில் நாய்க்கனூரில் மெயின்ரோட்டில் உள்ள அம்பேத்கர் சிலை உள்ளது. நேற்று இரவு மர்ம நபர்கள் அம்பேத்கர் சிலையை சேதப்படுத்தியுள்ளனர். இதில் சிலையின் கைபாகம் உடைக்கப்பட்டுள்ளது.
இதுபற்றி தகவல் அறிந்த அந்த பகுதியை சேர்ந்த விடுதலை சிறுத்தைகள் கட்சியினர் ஏராளமானோர் சிலையருகே கூடினர்.
மேலும் சிங்காரப்பேட்டை பஸ் நிலையம் அருகே சிலையை சேதப்படுத்திய மர்ம நபர்களை கைது செய்ய வலியுறுத்தி விடுதலை சிறுத்தைகள் கட்சியினர் ஆர்ப்பாட்டத்தில் ஈடுபட்டனர். உடனே சிங்காரப்பேட்டை போலீசார் ஆர்ப்பாட்டத்தில் ஈடுபட்டவர்களை கைது செய்தனர்.
மேலும் அசாம்பவிதம் ஏதும் நடைபெறாமல் இருக்க சிங்காரப்பேட்டை போலீசார் மற்றும் ஊத்தங்கரை போலீசார் குவிக்கப்பட்டுள்ளனர். அம்பேத்கர் சிலையை உடைக்கப்பட்டதை அடுத்து அப்பகுதியில் பதட்டமும், பெரும் பரபரப்பும் நிலவி வருகிறது.
செய்தி :: மாலைமலர்
