Wednesday, December 11, 2013
திருவிடைமருதூர்,டிச.10–
கும்பகோணம் அருகே விடுதலை சிறுத்தைகள் பேனர் கிழிக்கப்பட்டது. இதனால் நிர்வாகிகள் ஆர்ப்பாட்டத்தில் ஈடுபட்டனர்.
கும்பகோணம் அருகே உள்ள செம்மங்குடி கடைத்தெருவில் அம்பேத்கார் பிறந்தநாளையொட்டி விடுதலை சிறுத்தைகள் கட்சி சார்பில் பேனர் வைக்கப்பட்டு இருந்தது. நேற்று இந்த பேனரை யாரோ மர்ம ஆசாமிகள் கிழித்து விட்டனர். இந்த தகவல் கிடைத்ததும் விடுதலை சிறுத்தைகள் கட்சி நிர்வாகிகள் அங்கு திரண்டு வந்தனர்.
அவர்கள் மாவட்ட செயலாளர் குடந்தை தமிழினி தலைமையில் ஆர்ப்பாட்டத்தில் ஈடுபட்டனர். பேனரை கிழித்தவர்கள் மீது நடவடிக்கை எடுக்க வேண்டும் என்று வலியுறுத்தினார்கள்.
இதுகுறித்து கிளை செயலாளர் செல்லப்பா நாச்சியார்கோவில் போலீசில் புகார் செய்தார். திருவிடைமருதூர் டி.எஸ்.பி. ராதாகிருஷ்ணன் சம்பவ இடத்திற்கு விரைந்து சென்று பேனர் கிழிக்கப்பட்டதை பார்வையிட்டார். மேலும் பேனரை போலீசார் எடுத்துச் சென்றனர். அதனை கிழித்த மர்ம ஆசாமிகளை போலீசார் தேடி வருகிறார்கள்.
செய்தி :: மாலைமலர்
